Informashon esensial pa praktikanan di Dòkter di kas

• E estudio Niercheck lo tuma lugá di 1 te 30 di novèmber 2025 i ta enfoká riba mapa e salú di nir di e poblashon di Kòrsou. Partisipashon ta boluntario i grátis.
  
  
• Tur hende entre 18-80 ana di edat ku ta drenta ofisina di dokter di kas ta eligibel pa tuma parti den e estudio. No selekshoná hende bo mes. Pashènt di dialysis no por partisipa.
  
  
• Esaki ta enserá un tèst di urina (tèst di laboratorio di ACR) pa detektá problemanan di nir trempan.
  
  
• Promé ku 1 di novèmber, boso lo risibí un kaha ku tur e material di promoshon, inkluso póster i flyer.
  
  
• Por fabor kologá e poster den sala di warda.
  
  
• E asistente di dòkter lo duna e partispante un flyer informativo pa lesa, ku na banda di patras tin un formulario di konsentimentu informá (IC).
  
  
• Despues di yena e formulario di IC, e asistente lo duna e partispante
  –  Un Label pa pochi ku riba dje skirbí : nomber kompletu i fecha di nasementu.
  – Formulario speshal di Niercheck laboratorio.
  – Pochi pa muestra di urina promé di dia, pa tèst na MLS òf LABdeMED.  Preferibel entrega promé 10’or mainta.
  
  
• E laboratorio lo manda e resultadonan di e tèst pa nos tim di investigashon pa analisis di dato.
  
  
• Den 2026 e grupo di Niercheck lo manda tur dòkter di kas un resumen di pashèntnan ku resultadonan pafó di e balornan normal. Pa e grupo aki, dòkter di kas mes por planifiká un konsulta siguiendo ku e kuido.
  
  
• Despues ku e estudio ta kompletá, dòkter di kas ta risibí un resúmen di e resultadonan personal ku por parti ku tur ku a yuda den ofisina.
  
  
• Dòkternan lo risibí tambe guia di estudio i protokòlnan di tratamentu pa pashèntnan ku daño na nir.
  
  
• Nos ta pidi pa bo enkurashá mas tantu pashènt posibel pa partisipá – mas grandi i mas diverso e grupo ta, mas konfiabel e resultadonan ta.