Preguntanan Frekuente

Preguntanan Frekuente (FAQ)

Ken por partisipá den e estudio?

Tur hende riba 18 aña i bou di 80 aña ta eligibel pa partisipá den e estudio aki.
Pues partisipá, spesialmente si bo ta kere ku bo tin ningun problema di salú, òf netamente ora bo sa ku bo tin problema di salú, òf si bo sa kaba ku bo tin problema ku nir. Nos ke haña un bon bista di daño na nir na Kòrsou. Pashentnan di diálisis ta wòrdu ekskluí for di e estudio aki

Bo por entregá un muestra di urina na e laboratorio durante henter luna di novèmber 2025. Si bo tin keintura, ta menstruando, a hasi ehersisio intensivamente e dia promé, òf tin un infekshon di e trakto urinario, warda un siman promé ku hasi tèst.
LabDeMed i MLS ta laboratorionan partisipante. Bo por drenta e laboratorio pa bo hasi e tèst di urina ku e nota duná pa bo dòkter di kas. Bo no mester traha un sita. Purba drenta promé ku 10:00 AM.
ACR ta para pa Albumina/Kreatinina Ratio. E tékniko di laboratorio ta wak e proporshon entre e kantidat di proteina (albumina) i kreatinina. Kreatinina ta un produkto di desperdisio ku tambe ta wòrdu hañá den urina. E kantidat di albumina ta wòrdu dividí pa e kantidat di kreatinina.
Si bo resultadonan ta bon, bo no ta wòrdu notifiká. Si bo resultadonan di screening ta indiká ku mas tèst ta nesesario, bo dòkter di kas (ku tambe ta risibí bo resultadonan for di e laboratorio) lo wòrdu notifiká dor di e grupo di investigashon. Nan lo tuma kontakto ku bo na 2026 i konsehá bo riba e siguiente pasonan.
Nò. E grupo di investigashon ta revisá tur resultado i lo tuma kontakto ku bo dòkter di kas si ta nesesario. Bo por buska bo resultadonan den e app di MiSalu na kualke momento. Ta importante pa bo no tuma kontakto ku bo dòkter di kas bo mes pa nan no wòrdu aplastá ku petishonnan pa resultado. E grupo di investigashon ta registrá tur resultado kuidadosamente i lo sòru pa tuma kontakto ku bo si ta nesesario.

E Werkgroep Niercheck no ta yama òf manda mensahe na partisipantenan ku resultado di tèst.
Nos ta konsiente ku partisipantenan por wak e resultadonan nan mes, por ehèmpel, den e app di MiSalu.

E resultadona por ta:

1. ACR ménos ku 3 mg/mmol (<30 mg/g)
2. ACR entre 3 i 30 mg/mmol (30-300 mg/g)
3. ACR mas ku 30 mg/mmol (>300 mg/g)

Si bo ta kai den kategoria 1, esaki no ta nifiká outomátikamente ku no tin daño na nir. Na un bishita siguiente, bo dòkter di kas semper por determiná si mas tèst ta nesesario. Bo no ta wòrdu identifiká pa Niercheck Curacao komo eligibel pa un invitashon pa tèst di siguimentu dor di bo dòkter di kas.

Si bo ta kai den kategoria 2 òf 3, esaki no nesesariamente ta nifiká ku bo nirnan tin un problema òf no ta funshoná korektamente. E tèst aki ta un tèst di screening. Bo por, sinembargo, ta eligibel pa mas tèst. Investigashon ta mustra ku mas o ménos 30%-50% di hende ku ta tèst nan urina en realidat tin daño na nir.
Pues, warda riba bo yamada pa mas kòntròl ku bo dòkter di kas. Lo bo tende di bo dòkter di kas na 2026.

E tres aktornan responsabel ta:

Izzy Gerstenbluth, Epidemiólogo
Jivika Sewrajsing, Internista-Nefrólogo
Scarlet de Belle, Gerente di Proyekto

Nan tur ta mará na konfidensialidat.
Nan ta wòrdu asistí pa un tim di analista i estadista na Kòrsou i Hulanda. E último gruponan ta mira e resultadonan anónimo. Esaki ta nifiká ku nan ta mira solamente bo number di estudio, edat i sekso. Bo datonan no por wòrdu trasá bèk na bo. E number di estudio aki ta mará na bo datonan pa medio di kòmpiuter.

Solamente miembronan di e Werkgroep Niercheck Curaçao por mira bo datonan. Nan ta mará na konfidensialidat. Tur dato rekohé lo keda retené pa 10 aña na Curaçao Biomedical Health Research Institute (CBHRI). Solamente e tim di investigashon por haña akseso na e datonan médiko relevante di bo dòkter di kas. Nos lo no mandabo karta ku resultado òf mas invitashon pa investigashon. Análisis di dato ta wòrdu hasí solamente ku dato anónimo. Esaki ta nifiká ku bo nòmber, fecha di nasementu i number di ID riba e formulario no ta wòrdu kompartí ku e analistanan. Bo ta inkluí den e datonan ku un number di estudio.
Bo por stòp na kualke momento, i bo no mester duna un motibu. No ta bai rekohé dato nobo. Datonan ku a wòrdu prosesá kaba di forma anónimo lo no wòrdu eliminá. Un email pa info@niercheck.curacao.com ku e siguiente informashon ta sufisiente:

Mi ke stòp di partisipá den e estudio.
Nòmber:
Fecha di Nasementu:
Number di Sedula:

Mas splikashon (audio files)

Pa Professionals
Niercheck Werkgroep
Rolar para cima