Tokante Niercheck

E Grupo di Niercheck ta un team multidisiplinario di profeshonal di salú i investigador ku ta
traha pa mehorá salú di nirnan na Kòrsou, medíante detekshon tempran i prevenshon di
enfermedat di daño króniko (CKD).
Nos grupo ta esksiti di dòkter di kas, internista-nefrólogo, salú públiko i mediko riba estilo di
bida, ku un meta komun:
Pa baha e karga di enfermedat di nirnan na Kòrsou, dor di detekshon tempran, mas
konsenshi i kuido preventivo.

Ken nos ta
Investigadó prinsipal:

• Drs. Jivika Sewrajsing – Internista-nefrólogo
• Drs. Izzy Gerstenbluth – Epidemiólogo serka Curacao Biomedical Health Institute
• Scarlet van Belle – Project manager

Ondersteunend team

• Drs. Ellen Visscher – Dòkter di kas i medikor riba estilo riba bida
• Drs. Monique van de Wall Arneman – Dòkter di kas i mediko riba estilo di bida

Niercheck

E grupo ta traha huntu ku dòkter di kas lokal, laboratorio (MLS i LABdeMED) i
ku Curaçao Biomedical & Health Research Institute (CBHRI).
E análisis di datonan ta hasi ku suporta di dòkter i statìstiko ku ta traha na
Amsterdam UMC (Amsterdam University Medical Center), pa garantisá kalidat i
fiabilidad di e investigashon.

Nos mishon

Krea un Kòrsou mas salú, dor di detektá daño di nir tempran, fortalesé pashentan i kuido di
salú, i promové kuido preventivo.

Nos meta

1. Determiná e tamaño real di e problema di enfermadat di nirnan na Kòrsou, dor di midi e relashon albumina/creatinina (ACR) den urina di adulto.
2. Aumentá konsenshi tokante daño na nir, tanto entre e públiko general komo entre profeshonal di salú.
3. Duna sosten na dòkter di kas pa komensá tratamentu tempran i evitá empeorashon di e enfermadat.
4. Suministrá dato konfiabel di e salúbridat públiko pa usa den programa preventivo den futuro
5. Stimula un estilo di bida salú i akseso igual pa kuido preventivo.

Estudio Niercheck

E promé Niercheck lo tuma lugá den novèmber 2025.
Adultonan di 18 te 80 aña ku ta bishitá nan dòkter di kas lo ta invitá pa hasi un screen test di urina pa midi e relashon albumina/creatinina (ACR) — un di e indikadó mas trempan di dañonan na nirnan.
Pashèntnan di diálisis ta wòrdu ekskluí for di e estudio.
E estudio aki ta e promé screening grandi pa enfermadat di nirnan na Kòrsou, i lo sirbi
komo punto di referensia nashonal pa salú di nir.

Rapòrt di resultadonan 
Periodo di screening: 1–30 di novèmber 2025
Análisis di dato: desèmber 2025 – febrüari 2026
Promé resultadonan sperá: mart 2026

E deskubrimentunan lo wordu kompartí ku dòkter di kas ku ta partisipá i tur profeshonal den
salú, gobiernu, desishonhadernan i e públiko general.
Nan lo forma e base pa un estrategia den futuro kon pa kuida i mantene salú di nir, inkluso
ku posibel repetishon di e medidanan kada 3–5 aña.

Deklarashon di Transparensia
E investigashon aki a bira posibel pa medio di patrosinio.
Nos ta sumamente agradecido na nos sponsornan i tur esnan ku ta aporta boluntariamente pa nan sosten i dedikashion.
Konflikto di interes ta wòrdu evitá kuidadosamente.
Gobièrnu no tin ròl den e proseso di implementashon, finansiamentu òf tumamentu di desishon.