Laga Tèst
den Novèmber
Partisipá den e estudio serka bo dòkter di kas
Laga Tèst
den Novèmber
Partisipá den e estudio serka bo dòkter di kas
Un Estudio Nashonal
Niercheck Curaçao
Un estudio nashonal na gran eskala riba salú di Kòrsou su nirnan lo wòrdu kondusí na Kòrsou entre 1 i 30 di novèmber 2025. E estudio aki ta wòrdu organisá den kolaborashon ku dòkternan di kas riba e isla.
Partisipashon boluntario
- Durante novèmber, ora bo ta bishitá bo dòkter di kas, bo por partisipá den e estudio.
- Despues di yena e formulario di konsentimentu, lo bo risibí un pochi huntu ku un formulario di laboratorio di Niercheck. E asistente di dòkter di kas lo asistí bo na e bali.
- Ku e formulario aki bo por pasa LAB de MED òf MLS pa entregá bo muestra di urina, preferibelmente e promé urina di dia.
E tim di Niercheck lo risibí bo resultado di tèst di urina.
Si e tèst di screening ta indiká ku mas investigashon i tratamentu ta nesesario, bo dòkter di kas lo tuma kontakto kubo den 2026.
Instrukshon pa kolektá urina na kas
- Fangu un tiki urina den e pòchi limpi ku bo a risibí. Pa e mihó resultado usa e promé urina di dia.
- Sera e tapa bon, si e ta muha seka e pòchi ku papel.
- Pega e label riba e pòchi.
- Pone e pòchi den e saku maron ku bo a risibí.
- Huntu ku bo lab formulario speshal por entregá urina na LABdeMED òf MLS promé di 10’or.
- Yena bo Niercheck formulario kompletu.
- Chèk riba e website di LABdeMED òf MLS pa e sitio mas serka di bo kas of riba ruta. Nan ta habri mainta trempan.
Dikon e estudio aki?
Kòrsou tin un kantidat notabelmente haltu di habitantenan ku mester di dialisis. Kompará ku otro paisnan, nos ta den e top 5 mundialmente, ora ta trata di e kantidat di pashèntnan di diálisis.
Ademas, e edat promedio di e pashèntnan aki ta mas abou. Esaki ta nifiká ku daño na nir hopi biá ta kuminsá na un edat mas yòn aki.
Informashon pa partisipante
Meta di e estudio
E estudio aki tin komo meta pa kalkulá e prevalensia di malesa króniko di nir (CKD) na Kòrsou usando un simpel tèst di urina (albumina-kreatinina ratio, ACR).
Benefisionan
Detekshon trempan ta permití bo dòkter di kas duna mihó guia i kuminsá tratamentu na tempu. E estudio tambe por mehorá salú di nirnan di pueblo di Kòrsou.
Partisipashon boluntario
Partisipashon ta kompletamente boluntario. Bo por stòp na kualke momento sin motibu. Esaki lo no afektá bo kuido médiko.
Resultadonan
Si bo resultado ta rekerí mas investigashon, nos lo informá bo dòkter di kas. Bo dòkter di kas lo tuma kontakto ku bo despues, den 2026. Bo no mester hasi nada.
Privasidat
Tur bo datonan lo wòrdu tratá konfidensialmente. Lo hasi e datonan anónimo promé ku analisá.
Derechonan
Bo por retirá bo konsentimentu na kualke momento i bo por pidi pa eliminá bo dato. Dato ku a ser anonimisá kaba pa analisis no por wòrdu eliminá.
Kontakto
Preguntanan òf bo ke stòp? Manda un email na info@niercheckcuracao.com òf WhatsApp +5999-5660949.